Прыходзьце на канцэрт і прыносьце кнігі!

У кожнага з Вас ёсьць магчымасьць падарыць кнігу на беларускай мове для дзіцячага інтэрната й паслухаць сьпевы беларускіх бардаў!

У чацьвер (3 сьнежня) у межах кампаніі "Беларускую кнігу - дзецям" на сядзібе БНФ (Машэрава, 8) адбудзецца дабрачынны канцэрт. Сярод выступоўцаў - барды Аляксандр Мельнікаў, Міхал Бараноўскі, гурт Скрыжалі.

Уваход на канцэрт вольны, але пажадана, каб кожны наведвальнік ахвяраваў хаця б адну кніжку на беларускай мове для дзяцячых дамоў.

Канцэрт пачнецца а 18:00.

Будзем рады бачыць Вас усіх!