 У кожнага з Вас ёсьць магчымасьць падарыць кнігу на беларускай мове для дзіцячага інтэрната й паслухаць сьпевы беларускіх бардаў! У чацьвер (3 сьнежня) у межах кампаніі "Беларускую кнігу - дзецям" на сядзібе БНФ (Машэрава, 8) адбудзецца дабрачынны канцэрт. Сярод выступоўцаў - барды Аляксандр Мельнікаў, Міхал Бараноўскі, гурт Скрыжалі. |
|
ЛІДЗКІЯ МАЛАДАФРОНТАЎЦЫ НАВЕДАЛІ ДЗІЦЯЧЫ ДОМ ДЗЯТЛАВЕ (ФОТА)
У гэтую нядзелю актывісты Маладога Фронту і БХД, сябры Наваградзкае царквы "Новае пакаленьне", наведалі дзіцячы дамок сямейнага тыпу ў г. Дзятлава. Дзеткі былі вельмі радыя гасьцям, што размаўлялі на беларукай мове. Яны вельмі актыўна ўдзельнічалі ў гульнях, зь вялікай радасьцю размалеўвалі кніжкі-размалеўкі на хрысьціянскія матывы, распавядалі аб Ісусе і родным краі. Зь вялікай увагай і зацікаўленасьцю слухалі казкі на беларускай мове, а таксама актыўна абмяркоўвалі іх. Мерапрыемства было завершана гарбатай і печывам:) Дзеткам вельмі спадабалася сустрэча, разьвітаньні былі цеплымі са словамі падзякі і запрашэньнямі прыехаць у госьці яшчэ раз. Гэткім цудоўным мерапрыемствая маладзены распачынаюць кампанію “Беларускую кнігу - дзіцячаму дому” ў Гарадзенскай вобласьці. 
 |
|