 У кожнага з Вас ёсьць магчымасьць падарыць кнігу на беларускай мове для дзіцячага інтэрната й паслухаць сьпевы беларускіх бардаў! У чацьвер (3 сьнежня) у межах кампаніі "Беларускую кнігу - дзецям" на сядзібе БНФ (Машэрава, 8) адбудзецца дабрачынны канцэрт. Сярод выступоўцаў - барды Аляксандр Мельнікаў, Міхал Бараноўскі, гурт Скрыжалі. |
|
АМЭРЫКАНЦЫ ДАЛУЧЫЛІСЯ ДА ДАБРАЧЫННАЙ КАМПАНІІ "БЕЛАРУСКУЮ КНІГУ - ДЗЕЦЯМ!" (ФОТА)
Амэрыканская амбасада ў Менску далучылася да кампаніі "Беларускую кнігу - дзецям!" Супрацоўнікі прадстаўніцтва ЗША ў Беларусі перадалі маладафронтаўцам пакунак з кнігамі для дзіцячых інтэрнатаў, сярод якіх выданьні - "Памяць і сьвядомасьць" (Ян Павал ІІ), "Акцэнты Свабоды" (Юры Дракахруст), "Прыгоды ара ў Беларусі" (Аляксандар Лукашук), Найноўшая гісторыя беларускага парлямэнтарызму, Дэклярацыі незалежнасьці ЗША, Нарысы аб амэрыканскай літаратуры, гісторыі й інш. Усяго некалькі дзясяткаў кніг і брашур -усе па-беларуску. Некаторыя кніжкі маюць адмысловыя пячаткі менскай амбасады ЗША. Калі прадстаўнікі іншага кантынэнта ахвяруюць кнігі для беларускіх дзіцячых дамоў, то, маем спадзеў, самі беларусы таксама не застануцца збоку падзеяў. 
 |
|